今次出城既目標係大埔

一個我好鍾意既地方~

一早起身,去左新蒲岡搭巴士

唔知邊架先去到,所以求其上左架巴士

終於到喇!空氣好清新,陽光好好

落左車當然吃個早點先啦!~

咁就走左入一間冰室

個姐姐好健談,我一坐低佢就問我食乜

推介左個飛碟三文治俾我~又真係幾好食~!!good!~

仲問我係咪九龍入黎架.(咁都俾你估到!?)

我話係呀~入黎行下~之後佢一輪嘴講左好多野......(其實我想安靜d食野架...)

食完之後,就一路行,行左好遠,因為附近無乜野好行,唔知點解有好多網吧

最後上左架van仔,去左一個更入既地方

係一座廟...四野無人...得個van仔站and一座紅色廟and好多樹

好舒服~!咁得個廟,就入去行下啦~

入到去見到個阿伯,我問佢我可唔可以裝支香

我聽唔明佢d話,可能係潮州話,佢示意果面有d香,你去裝啦

裝完行左一陣~再行入少少,原來呢到有條村架......行左一陣~d境好靚~

見到有個士多...入去士多買左支水飲,原來有公仔面食架~

咁就叫左個火腿公仔面,就撩個老細吹水

佢話原來條村得返d老人家~d後生出晒去做野,

佢仲講佢個仔過左英國,一年先返黎幾次,好不爽(......)

平時無人入黎....係過時過節先會有人入黎....(咁鬼遠...黎果個都白痴架啦)

我呢個白痴行左一陣~就返屋企lu~